काठमडौ २८ मंसिर ।
अरुण पूर्वको तीन जिल्लालाई प्रदेश नम्बर १ बाट नछुट्याउन माग गर्दै संघीय लिम्बुवान पार्टीको असन्तुष्ट पक्षले आह्वान गरेको बन्दको दोस्रो दिन आजपनि पूर्वका नौं जिल्लाको जनजीवन बिहानैबाट प्रभावित बनेको छ ।
बन्दका कारण आज पनि सुनसरी, मोरङ, झापा, पाँचथर, इलाम, ताप्लेजुङ, धनकुटा, संखुवासभा र ते¥हथुम जिल्लाको जनजीवन प्रभावित बनेको छ । त्यस क्षेत्रमा उद्योग, कलकारखाना, विद्यालय, क्याम्पस र यातायात ठप्प रहेका छन् ।
सुनसरी, मोरङ र झापालाई प्रदेश नम्बर १ बाट छुट्याउन नहुने तथा अरुण पूर्वका ९ जिल्लालाई लिम्बुवान घोषणाको माग गर्दै सघिंय लिम्बुवान पार्टीको असन्तुष्ट पक्षले हिजोबाट अनिश्चिकालिन बन्दको आह्वान गरेको हो ।
लिम्बुवान पार्टीका अध्यक्ष कुमार लिङ्देनले मधेसी मोर्चासँग गठबन्धन गरी आन्दोलनमा मिलेमतो गरेको आरोपमा असन्तुष्ट पक्षले बन्दको आह्वान गरेको हो ।
