काठमडौ २७ मंसिर ।
अरुण पूर्वको तीन जिल्लालाई प्रदेश नम्बर १ बाट छुट्याउन नहुने भन्दै संघीय लिम्बुवान पार्टीको एक पक्षले आह्वान गरेको बन्दका कारण पूर्वका नौं जिल्लाको जनजीवन प्रभावित बनेको छ ।
सुनसरी, मोरङ र झापालाई प्रदेश नम्बर १ बाट छुट्याउन नहुने र अरुण पूर्वका ९ जिल्लालाई लिम्बुवान प्रदेश घोषणाको माग गर्दै संघीय लिम्बुवान पार्टी नेपालको असन्तुष्ट पक्षले अनिश्चितकालीन बन्दको आह्वान गरेको हो ।
बन्दका कारण सुनसरी, मोरङ, झापा, पाँचथर, इलाम, ताप्लेजुङ, धनकुटा, संखुवासभा र ते¥हथुम जिल्लाको जनजीवन प्रभावित बनेको छ । त्यस क्षेत्रमा उद्योग, कलकारखाना, विद्यालय, क्याम्पस र यातायात ठप्प रहेका छन् ।
लिम्बुवान पार्टीका अध्यक्ष कुमार लिङ्देनले मधेसी मोर्चासँग गठबन्धन गरी आन्दोलनमा मिलेमतो गरेको आरोप लगाउदै असन्तुष्ट पक्षले बन्द आह्वान गरेको हो ।
