काठमाडौ २३ मंसिर ।
नेपाल विद्युत प्राधिकरणले प्रशारण लाइनको हाइटेन्सन तार तान्ने क्रममा अबरोध गरेको भन्दै मकवानपुर प्रहरीले हेटौंडाको चौकीटोलका १२ जना स्थानीयलाई पक्राउ गरेको छ ।
पक्राउ पर्नेमा केदार प्रसाद बतौला, किशोर ढकाल, बद्री जोशी, केशब श्रेष्ठ, कमला कडेल, भगवती तिमल्सिना, धनमाया गोले, गीता तिमल्सिना, पदमादेवी आचार्य, नविना धिताल, अनुराधा धिताल, राधा घिमिरे र निरमाया लामा रहेको प्रहरी उपरीक्षक मिरा चौधरीले बताउनुभयो ।
हेटौंडाको वडा नम्बर १ र २ मा पर्ने चौकीटोलका बासिन्दाले हाइटेन्सन तारतान्दा त्यसको मुनि पर्ने घर तथा जग्गा धनीलाई उचित मुआब्जा दिनुपर्ने माग गर्दै प्रदर्शन गरेका थिए । पक्राउ परेका उनीहरुलाई जिल्ला प्रहरी कार्यालय मकवानपुरमा राखिएको छ ।
२०४५ सालमा पञ्चायतकालिन समयमा हेटौंडा–कुलेखानी स्युचाटार १३२ केभी प्रशारण लाइनको पहिलो सर्किट बनाउँदा घरजग्गा माथिबाटै एक साइडको लाईन तानिएको थियो ।
तर अर्को साइडमा तार तान्नका लागि स्थानीय बासिन्दाले क्षतिपूर्तिको माग गर्दै २०६१ सालदेखि लाइन विस्तार गर्न सकेको थिएन ।
