धरान, २२ मंसिर ।

भारतको बीरपुरमा भारतीय सीमा सुरक्षा बल एसएसबीले ५२ जना नेपालीलाई नियन्त्रणमा लिएको छ । सुनसरीको भन्टाबारी हुँदै कामको लागि भारतको पटना हिँडेका ५२ जना नेपालीलाई आज विहान भारतको सुपौल जिल्लास्थित वीरपुरबाट एसएसबीले नियन्त्रणमा लिएको हो ।

उनीहरु उदयपुर, सप्तरी र रामेछाप जिल्लाका छन् । उक्त जानकारी पाएलगत्तै जिल्ला प्रहरी कार्यालय सुनसरीबाट डिएसपीको नेतृत्वमा प्रहरी टोली बीरपुर पुगेको छ ।

सुनसरीका प्रमुख जिल्ला अधिकारी रबिलाल पन्थले भने एसएसबीले पक्राउ नगरेको दाबी गर्नुभएको छ । उहाँले ठूलो संख्यामा नेपालीहरु हिँडिरहेको देखेर सोधपुछका लागि एसएसबीले रोकेर नेपाल प्रहरीलाई खबर गरेको उहाँले जानकारी गराउनु भयो ।

उक्त समूहमा ३३ जना पुरुष र १९ जना महिला रहेको सुनसरीका प्रहरी प्रमुख एसपी सञ्जयराज शर्माले जानकारी दिनुभयो ।

आज पश्चिमी वायुको आंशिक प्रभाव, पहाडी क्षेत्रमा हल्का वर्षा

भारतबाट मोटरसाइकलमा गोप्य ठाउँ बनाई ल्याइएको ३० लाखसहित एक जना पक्राउ, गौरको व्यापारिक प्रतिष्ठानबाट थप १४ लाख बरामद

वीरगञ्जमा ७ लाख रुपैयाँ बराबरका अवैध पटाका खाल्डोमा पुरेर नष्ट

‘प्रहरी र नागरिकबीचको दूरी अन्त्य होस्’

प्रदेश प्रमुखसमक्ष आदिवासी जनजाति आयोगको सातौँ वार्षिक प्रतिवेदन पेश

नागरिकले प्रहरीसँग भरोसा गरुन्, प्रहरीले बर्दीमा गर्व गर्न सकोस् : नवनियुक्त महानिरीक्षक केसी