राष्ट्रिय सूचना आयोगले आज भरतपुरमा आयोजना गरेको अन्तरक्रिया कार्यक्रममा उहाँले सरकारी तबरबाट भएका हरेक गतिविधिको सूचना लिन आग्रह गर्नुभयो । उहाँले भन्नुभयो, “सूचना माग्नसके सूचना दिनुपर्ने डरले भ्रष्टाचार गर्ने आँटमा कमी आउँछ ।”

आयुक्त पोखरेलले सरकारी कार्यालयका प्रमुखलाई हरेक कार्यालयमा सूचना अधिकारी तोकेर भए गरेका गतिविधि सहज ढङ्गबाट उपलब्ध गराउन आग्रह गर्नुभयो । सूचना अधिकारीलाई पनि राष्ट्र र जनताप्रति उत्तरदायी भई सूचना दिन अनुरोध गर्नुभयो ।

सो अवसरमा आयोगका उपसचिव वेदनिधि अधिकारीले सूचनाको हकसम्बन्धी ऐन, सूचनाको हकसम्बन्धी सिद्धान्त, सार्वजनिक निकायको दायित्व, सूचना प्रवाह गर्न नपर्ने विषयहरुलगायतका विषय समेटिएको कार्यपत्र प्रस्तुत गर्नुभएको थियो ।

सो अवसरमा सहभागीले स्पष्ट नभएका विषयवस्तुका बारेमा आयुक्त पोखरेल र उपसचिव अधिकारीलाई जिज्ञासा राखेका थिए । सो अवसरमा जिल्लास्थित कार्यालयका प्रमुख, राजनीतिक दलका प्रतिनिधि, कार्यालयका सूचना अधिकारी, पत्रकारलगायतको उपस्थिति थियो ।