सिरहा , १८ मङ्सिर ।
सिरहाको महेशवारीमा मधेसी मोर्चाका कार्यकर्ताले आज ग्यास सिलिन्डर बोकेको एउटा मोटरसाइकलमा आगजनी गरेका छन् ।
महेशवारीस्थित इलाका प्रहरी कार्यालय अगाडि लहान–डाठी सडक खण्डमा ज ६ प ५६८९ नम्बरको पल्सर मोटरसाइकलमा आगजनी गरी उनीहरुले पूूर्णरुपमा क्षति पु¥याएका छन् ।
मोटरसाइकलमा भारतीय बजार लौकहाबाट ग्यास सिलिन्डरमा भरेर ल्याउने क्रममा चार÷पाँच जनाको समूूहमा रहेका व्यक्तिहरुले मोटरसाइकल रोकेर आगजनी गरेको पीडित सप्तरी हरिपुरका श्रीराम साहले जानकारी दिनुुभयो ।
पीडित साहले भन्नुुभयो, ‘ग्यासको व्यापारी हो भन्दै मोटरसाइकल रोक्यो । म व्यापारी हैन, घरका लागि ग्यास लाँदैछुु भन्दाभन्दै गाडीको पेट्रोल पाइप खोलेर आगो लगाएर उनीहरु भागे ।’ आगजनी गर्नेहरुलाई चिन्न नसकेको उहाँले बताउनुुभयो ।
यता, इलाका प्रहरी कार्यालय महेशवारीले मोटरसाइकल जलाएको आशङ्कामा सङ्घीय समाजवादी फोरम नेपालका केन्द्रीय सदस्य तथा पूर्वमन्त्री राजलाल यादबका गाडी चालक अजय यादबलाई नियन्त्रणमा लिएको छ ।
