काठमाडौ १७ मंसिर ।
एकिकृत नेकपा माओवादी केन्द्रिय कार्यसमितिको बैठक आज पनि बस्दैछ । बैठक दिउँसो २ बजेपछि पार्टी केन्द्रिय कार्यलय पेरिडाँडामा सुरु हुनेछ ।
आजको बैठकमा यसअघि पार्टी अध्यक्ष पुष्पकमल दाहालले पेस गर्नु भएको दस्तावेजमाथि केन्द्रिय सदस्यहरुले धारणा राख्ने कार्यसुची रहेको पार्टी प्रवक्त दिननाथ शर्माले जानकारी दिनुभयो ।
यसअघि गत मंगलबारको बैठकमा अध्यक्ष दाहालले समग्र पछिल्लो राजनितिक अवस्था तथा पार्टीले खेलेको भूमिका लगायतका विषय समेटिएको दस्तवेज प्रस्तुत गर्नुभएको थियो । आज तीनै विषयमाथि सदस्यहरुले धारणा राख्नेक्रम चल्ने प्रवक्त शर्माले बताउनुभयो ।
यस्तै नाकाबन्दीका कारण मुलुकले भोगिरहेको संकट समाधानमा पार्टीको भूमिका र पहल तथा केही नेताले नयाँ शाक्ति निर्माणका लागि भन्दै पार्टी छाडेर गएपछिको अवस्थाका बारेमा पनि बैठकमा छलफल हुने सो पार्टीले जनाएको छ ।
