१३ मंसीर, ताप्लेजुङ
नेत्रविक्रम चन्द विप्लब नेतृत्वको नेकपा माओवादीले आव्हान गरेको नेपाल बन्दको कारण ताप्लेजुङको सदरमुकाम फुङलिङ बजार पूर्ण रुपले बन्द भएको छ ।
नेपाललाई भारतले लगाएको नाकाबन्दीका बिरुद्ध सरकार मौन रहेको र नाकाबन्दीको कारण देशमा व्यापक कालाबजारी बढ्दै गए पनि सरकार मुकदर्शक भएर बसेको विरोधमा आज नेपाल बन्दको आव्हान गरेको नेकपा माओवादीले जनाएको छ ।
नेकपा माओवादी सेक्रेटरी राजन पौडेलले नेपाल बन्दमा मेची अञ्चलमा दुई पांग्रे र अत्यावश्यक सामाग्री बोकेका गाडी बाहेक कुनै पनि सवारी साधन चल्न नदिइने बताए । फुङलिङ बजारमा कुनैपनि सरकारी, गैरसरकारी, शिक्षण संस्था, कलकारखाना, बजारका पसल र बजार पूर्ण रुपमा ठप्प छन् । बन्दकार्ताहरू ठाउँठाउँमा रहे पनि बजारको पुरै क्षेत्र पूर्ण रुपमा बन्द छ ।
सचिब पौडेलले फरक प्रसंगमा कुनै न कुनै राजनीतिक र कुटनैतिक तरिकाबाट देशमा व्यप्त समस्याको समधान खोजिनुपर्ने बताए । मधेशको आन्दोलका जायज मागलाई तत्काल सम्बोधन गर्नका साथै मधेस आन्दोलनको विषयलाई लिएर सरकारले तराईका थारुहरुको मागलाई पनि एउटै बास्केटमा राखेर हेरेकोले त्यो चस्मा खोलेर तत्कार मधेश आन्दोलन सम्बोधन गर्नुपर्नेमा सरकारले मौनता साँधेकोे प्रति पौडेलले आक्रोस पोखे ।
मधेस समस्याको समधान नखोजिनु र नेपालका आदिवासी जनजाती र उत्पीडनमा रहेका जनताको मागलाई सम्बोधन नगरिकन संविधान ल्याएको कारण समस्या उत्पन्न भएको बताए ।
