काठमाडौ १२ मंसिर ।
तराई मधेसमा जारी आन्दोलन र मोर्चाको माग सम्बोधनका विषयमा प्रधानमन्त्री केपी शर्मा ओलीले आज पनि छलफललाई निरन्तरता दिनु भएको छ ।
हिजो नेपाली कांग्रेससँग छलफल गर्नुभएका प्रधानमन्त्री ओलीले आज सत्तारुढ दलका नेतासँग छलफल गर्ने तयारी गर्नुभएको हो ।
मधेशी मोर्चाको माग सम्बोधनका लागि अबको तीन दिनमा साझा विकल्प तयार गर्ने गरि छलफल भइरहेको सूचना तथा सञ्चार प्रविधि मन्त्री शेरधन राइले जानकारी दिनुभयो ।
सबैलाई मान्य हुने गरी साझा धारणा बनाउने गरी गृहकार्य भइरहेको उहाँले बताउनुभयो ।
यसअघि कांग्रेसले राखेको संसोधन प्रस्तावबाट मात्रै समस्या समाधान नहुने भएकाले त्यसलाई परिमार्जन गरेर सरकारले अर्को प्रस्ताव पेश गर्ने जानकारी दिनुभयो ।
मधेसी मोर्चाले साझा धारणा तयार गर्न भने पनि सत्तारुढ तथा विपक्षी दलले हालसम्म तयार गर्न सकेका छैनन ।
