काठमाण्डौ,१० मंसिर ।
सरकारी स्वामित्वमा रहेको नेपाल आयल निगम क्षेत्रीय कार्यालय भलवारीअन्तर्गतको खुद्रा बिक्री केन्द्र अञ्चलपुर भैरहवालाई स्थानीय अनुगमन समितिले सिलबन्दी गरेको छ ।
वाणिज्य विभागको नेतृत्वमा जिल्ला प्रशासन कार्यालय रुपन्देही, नापतौल तथा गुणस्तर कार्यालय, प्रहरी र सञ्चारकर्मीसहितको टोलीले सुरु गरेको अनुगमनका क्रममा सरकारी पेट्रोल पम्पमा नै अनियमितता भएको पाइएपछि पम्पमा सिल लगाइएको रुपन्देहीका प्रमुख जिल्ला अधिकारी विष्णुप्रसाद ढकालले जानकारी दिनुभयो ।
अनुगमनमा खटिएको टोलीले पम्पमा जाँच गर्दा पम्पमा डबल नोजल प्रयोग गरिएको पाइएपछि आफूले पम्पमा सिल गर्न आदेश दिएको प्रजिअ ढकालले जानकारी बताउनु भयो ।
उहाँका अनुसार आयल निगमकै पम्पबाट तेलको परिमाण पूरा नपुग्ने गरी आमउपभोक्तालाई ठगिरहेको पाइएको हुँदा पम्पमा सिल लगाएर थप अनुसन्धान र कारबाही प्रक्रिया अगाडि बढाइएको छ ।
