काठमाडौँ, १० मंसिर ।
तराई मधेसमा जारी आन्दोलन तथा भारतको अघोषित नाकाबन्दीका कारण नेपाली बालबालिकामा परेको असरलाई अन्तर्रा्ष्ट्रियकरण गर्ने उद्देश्यले आगामी शुक्रबार बालबालिकाले चक्रपथमा मानव साङ्लो बनाई प्रर्दशन गर्ने भएका छन् ।
‘बाँच्न र पढ्न देऊ’ भन्ने मुख्य नाराका साथ शुक्रबार बिहान ११ बजे कलङ्की, सातदोबाटो, कोटेश्वर, चाबहिल, महाराजगञ्ज चक्रपथ, बालाजु, स्वयम्भु हुँदै पुनःकलङ्कीसम्म मानव साङलो तयार गर्ने छन् ।
शिक्षण संस्थाको छाता सङ्गठन (अपिन) तथा संयुक्त विद्यार्थी सङ्गठनद्वारा एन प्याब्सनका अध्यक्ष कर्णबहादुर शाहीले उक्त कार्यक्रममा कुनै प्रकारका कोणसभा या नाराबाजी नगरिने बताउनु भयो।
साङ्लो प्रदर्शनमा सहभागी हुँदा राष्ट्रिय झन्डा र नाकाबन्दी तथा बालबालिकाको हकअधिकार लेखिएको प्लेकार्ड, ब्यानर हुने बताउनु भयो ।
निजी तथा आवासीय विद्यालय सङ्गठन(प्याब्सन), राष्ट्रिय निजी तथा आवासीय विद्यालय एसोसियसन (एनप्याब्सान), उच्चमाध्यमिक विद्यालय सङ्घ नेपाल(हिसान), संयुक्त विद्यार्थी सङ्गठन, शिक्षक महासङ्घ, राष्ट्रिय अभिभावक सङ्घलगायतका सङ्घसंस्था अपिनमा आबद्ध छन् ।
