काठमाण्डौ,८ मंसिर ।
ललितपुरका च्याउ व्यवसायी इन्धन अभाव र तराईमा जारी आन्दोलनका कारण समस्यामा परेका छन । नाकाबन्दीले अत्यावश्यक वस्तु नेपालतर्फ भित्रिन नसक्दा समस्या झन बल्झिंदै गइरहेको व्यवसायीले गुनासो गरेका छन ।
च्याउ उत्पादनमा आवश्यक पर्ने कच्चापदार्थको सहज आपूर्ति नहुँदा व्यवसायी मर्कामा परेका हुन । उत्पादनमा आवश्यक पर्ने पराल ल्याउन नपाएको अखिल नेपाल किसान महासंघका उपाध्यक्ष चित्रराज तिमल्सिनाले बताउनुभयो ।
ललितपुरमा करिब चार हजार जनाले च्याउ व्यवसाय गर्दै आएका छन । इन्धन अभाबले बजारसम्म च्याउ पु¥याउन समस्या भएको ब्यबसायीले बताएका छन ।
भारतको नाकाबन्दीका कारण कच्चापदार्थ पाउन मुस्किल हुँदा व्यवसाय नै धरापमा परेको व्यवसायी सन्तोष बजगाईंले बताए । जिल्ला कृषि विकास कार्यालयका अधिकृत हरिप्रसाद पण्डितले भने जिल्लामा निश्चित च्याउ कृषकलाई अनुदान दिइएको बताउनुभयो ।
