काठमाडौं, ८ मंसिर ।
नेत्र बिक्रम चन्द्र बिप्लब नेतृत्वको नेकपा माओवादीले भारतले अघोषित रुपमा लगाएको नाकाबन्दी र हस्तक्षेपको विरुद्धमा राजधानीमा बिरोध प्रदर्शन गरीरहेको छ ।
विरोध र्याली रत्नपार्कको शान्तिबाटिकाबाट सुरु भइ भद्रकाली, सहिद गेट, न्युरोड, बिरहस्पिटल हुदैै पुनह शान्तिबाटिकमा पुगेर कोणसभामा परिणत हुने सहकर्मी एसबि साउदले जानकारी दिनुभयो । सभालाई पाटी प्रबक्ता खड्क बहादुर बिश्वकर्मा र स्थायी समिती सदस्य धर्मेन्द्र बास्तोलाले सम्बोधन गर्ने कार्यक्रम छ ।
बजारमा बस्तुको अभाब भइरहेको मौका छापी कालोबजारी गर्नेहरुका बिरुद्ध प्रदर्शन आयोजना गरीएको पाटी प्रबक्ता खड्क बहादुर बिश्बकर्माले जानकारी दिनुभयो । कालो बजारीमा संलग्नमाथि जनस्तरबाट कारवाही गर्न भन्दै माओबादीले आयल निगमका प्रमुखदेखि केही इन्धन बिक्रेता कालो सूचीमा परेको आफ्नो रेकर्डमा रहेको जनाएको छ ।
भारतीय हस्तक्षेपबाट नेपालीको दैनिकी चरम संकटमा परिरहेका बेला निजामती कर्मचारी नै कालो बजारी गर्नमा तल्लिन देखिएको भन्दै प्रदर्शन राष्ट्रिय स्वाधीनताको पक्षमा र दलाल–तस्करको विरुद्धमा लक्षित भएको माओवादीले जनाएको छ ।
