काठमाडौं,७ मंसिर ।
बिप्लब नेतृत्वको नेकपा माओवादीले भारतले अघोषित रुपमा लगाएको नाकाबन्दी र हस्तक्षेपको विरुद्धमा भोली काठमाण्डौमा प्रदर्शन गर्ने भएको छ ।
मधेश आन्दोलन र नाकाबन्दीको प्रभाबले बजारमा बस्तुको अभाब भइरहेको मौका छौपी कालोबजारी गर्नेहरुका गर्नेहरुका बिरुद्ध पनि प्रदर्शन गर्न लागेको सो पाटीका प्रबक्ता खड्क बहादुर बिश्बकर्माले जानकारी दिनुभयो ।
माओवादीले कालो बजारीमा संलग्नमाथि जनस्तरबाट कारवाही गर्न भन्दै आयल निगमका प्रमुखदेखि केही इन्धन बिक्रेतालाई कालो सूचीमा परेको आफ्नो रेकर्डमा परेको जनाएको छ ।
भोली मध्यान्ह १२ बजे राजधानीको कोटेश्वर, सातदोबाटो, चाबहिल, गोंगबु, बालाजु र कलंकी लगायत मुख्य चोकबाट शुरु भई विरोध र्याली रत्नपार्क शान्तिबाटिकामा पुगेर कोणसभामा परिणत प्रवक्ता बिश्बकर्माले बताउनु भयो ।
भारतीय हस्तक्षेपबाट नेपालीको दैनिकी चरम संकटमा परिरहेका बेला निजामती कर्मचारी नै कालो बजारी गर्नमा तल्लिन देखिएको भन्दै प्रदर्शन राष्ट्रिय स्वाधीनताको पक्षमा र दलाल–तस्करको विरुद्धमा लक्षित हुने माओवादीले जनाएको छ ।
