काठमाडौं, ५ मंसिर ।
संयुक्त राष्ट्रसंघका महासचिव वान कि मुनले नेपाल भारत सीमा नाकामा भइरहेको अवरोध तत्काल हटाउन सम्बद्ध सबै पक्षसँग आग्रह गर्नुभएको छ ।
सीमा नाकाबाट भइरहेको अवरोधप्रति चिन्ता जनाउँदै महासचिव वानले तत्काल अवरोध हटाएर अत्यावश्यक सामान आयत नियमित गर्न आग्रह गर्नुभएको उहाँका प्रवक्ता स्टिफन डुजारीकले जानकारी दिनुभएको छ ।
गएराति अमेरिकाको न्युयोर्कमा भएको पत्रकार सम्मेलनमा सीमा क्षेत्रमा भइरहेको अवरोधका कारण औषधिसहितका अत्यावश्यक सामग्री आयातमा अवरोध भएको प्रति महासचिव वानले चिन्ता व्यक्त गर्नुभएको उहाँका प्रवक्ता डुजारिकले बताउनुभयो ।
महासचिव वानले मधेसी मोर्चाको तर्फबाट हिजो औषधि बोकेका गाडी तथा बिरामी बोकेको एम्बुलेन्समा भएको आक्रमणप्रति पनि चासो व्यक्त गर्नु भएको छ ।
महासचिव वानले राष्ट्रसंघ नेपालमा समावेशीता तथा शान्ति सुरक्षासहितको प्रजातान्त्रिक व्यवस्थापको पक्षमा सहयोग गर्न सदैव तयार रहेको पनि बताउनुभएको छ ।
