काठमाण्डौ ,३ मंसिर ।
एमाले निकट कर्मचारी संघ विरोधमा उत्रिएपछि नेपाल राष्ट्र बैंकमा प्रशासनिक काम प्रभावित भएका छन् ।
तलब वृद्धि र अन्य सेवा सुविधा वृद्धि सहित ३७ वुँदे माग राखि आन्दोलनमा उत्रिएपछि बैकको प्रशासनीक काम कार्वाहि प्रभावित भएको छ ।
लामो समयदेखिको तराई आन्दोलन र भारतीय नाकाबन्दीले मुलुकको अर्थव्यवस्था नै ठप्प बनाएका वेला कर्मचारीले भने सेवा सुविधा वृद्धिको माग गर्दै आएका छन् । उनिहरुले हिजो गर्भनर चिरन्जिवी नेपाललाई उहाँको कार्यकक्षमै १२ घण्टा थुनेका थिए । गर्भनरको कार्यकक्षमा नै धर्ना दिन थालेका छन् ।
केन्द्रीय वैंक संचालक समितिले भने संक्रमणकालिन अवस्थाले समग्र अर्थव्यवस्थामा नै प्रभाव परेकाले तत्काललाई कर्मचारीको तलव वृद्धि र अन्य सेवा सुविधा पुरा गर्न नसकिने बताउदै आएको छ ।
राष्ट्रवैंकका प्रवक्ता त्रिलोचन पंगेनीले नाकाबन्दीले समग्र अर्थव्यवस्था नै ठप्प रहेको अवस्थामा केन्द्रीय वैंक पनि त्यसबाट अलग नरहेकाले तत्काललाई कर्मचारीको माग सम्वोधन गर्न सक्ने अवस्थामा नरहेको बताउनुभयो ।
गर्भनर चिरन्जिवी नेपालले नाकाबन्दी हट्ने वित्तिकै कर्मचारीको माग सम्वोधन गर्ने तयारी गर्नुभएको स्रोतले बताएको छ । आफ्नै पार्टीको सरकार भएका मौका छोपी आन्दोलन गर्नुलाई राष्ट्रवैंकका अन्य कर्मचारीले भने नसुहाउदो आन्दोलन भनि टिप्पणी गरेका छन् ।
