काठमाडौं, ३० कात्तिक ।
मधेस आन्दोलनलाई सम्बोधनको प्रयासमा उच्चस्तरीय राजनीतिक समितिका संयोजक एवं एमाओवादी अध्यक्ष पुष्पकमल दाहाल प्रचण्डले सक्रियता बढाउनु भएको छ ।
अहाले आज प्रधानमन्त्री केपी शर्मा ओलीसँग छलफल गरेका छलफल गर्नुभएको छ । बालुवाटारमा भएको छलफलमा मधेसी मोर्चाले उठाएको सीमांकनको मागलाई सम्बोधन गर्ने विकल्पबारे छलफल भएको छ ।
संयोजकको हैसीयतले प्रचण्डले सीमांकनमा केही विकल्प अघि सार्नुभएको र त्यसमा प्रधानमन्त्री सहमत देखिनुभएको प्रचण्डका स्वकीय सचिव चूडामणि खड्काले जानकारि दिनुभयो ।
खड्काका अनुसार प्रचण्डले आजै मधेसी मोर्चाका नेताहरुसँग पनि छलफल गर्ने तयारी गर्नुभएको छ । प्रमुख दलका शीर्षनेता र मधेसी मोर्चाबीच भएको वार्तामा पनि प्रचण्डले दुई विकल्प प्रस्तुत गरेका थिए ।
प्रमुख दलका शीर्षनेताहरुको राजनीतिक समिति बनाएर सीमांकनको विवाद टुंग्याउने प्रचण्डको प्रस्ताव छ । यसमा कांग्रेस र एमाले सकारात्मक छन् । तर, मधेसी मोर्चाले उधारो सहमति स्वीकार्य नहुने बताएको छ ।
प्रचण्डको दोस्रो विकल्प तराई मधेसका विवादित जिल्लाहरु विभाजन गर्ने भएपनिे एमाओवादीको प्रस्तावमा कांग्रेस र एमालेले त्यसमा सहमति नजनाएको बताइएको छ ।
