काठमाण्डौ ,२९ कार्तिक ।
उपत्यकामा सरकारले दाउरा वितरण ईन्धनको अभाव भएपछि सरकारले आईतवारबाट दाउरा वितरण सुरु गर्यो ।
उपत्यकाको दुई स्थान गौशाला र बालकुमारीस्थित टिम्बर कर्पोरेसनका गोदामबाट बाडिएको दाउरा लिन लाइनमा बसेकाहरुले नै प्रक्रिया नपुयार्एई आएको भन्दै पाएनन् ।
आइतबार बिहानैदेखि दाउरा बेचिने भएपछि गौशाला र बालकुमारीमा बिहानैदेखि सर्वसाधारणको भीड लागेको थियो ।
गौशालामा दाउरा लिने लाइनमा पुगेकी गठ्ठाघरकी तारा श्रेष्ठले लाईनमा बसेपनि अन्त्यमा नागरिकताको फोटोकपी नल्याएको भन्दै दाउरा नदिई फर्काएको बताईन् । पाँच महिनाकि गर्भवति उनी दाउरा लिन बिहानैदेखि लाईनमा बसेपनि अन्तमा दाउरा पाईनन् ।
ग्यास नपाएपछि दाउरा भएपनि लगेर खाना पकाएर खाने उनको सपना नागरिकताको फोटोकपि नभएपछि तुहियो । उनको नागरिकता बनेको छैन । श्रीमानको नागरिकता उनैसँग छ ,उनी मजदुरीका लागी बाहिर गएकाछन् , उनले गुनासो गरिन ।
शुक्रबार नै दाउरा बाड्ने सुनेपछि तिहारमा टिका नलगाई भएपनि दाउरा लिन जान तयार भएकी उनी पछि आईतवार मात्र बाड्ने सुनि घरमा नै बसेकी थिईन् । तर आज बिहानै देखि लाईन बसेपनि पाईनन् ।
लाइन बसेर जब उनी टोकन लिने पालोमा पुगे अनि मात्र थाहा पाए, दाउरा लिन पनि नागरिकता चाहिने रहेछ । कर्मचारीले उनलाई दाउरा दिन नसक्ने बताएपछि उनी खालि हात नै फर्किईन् ।
सरकारले प्रतिपरिवार एक सय केजीका दरले दाउरा वितरण गरेको छ । दाउरा प्रतिकेजीको मुल्य १५ रुपैयाँ निर्धारण गरिएको छ ।
