काठमाडौ २९ कार्तिक ।
तराई मधेशमा आन्दोलनरत संयुक्त लोकतान्त्रिक मधेशी मोर्चा र प्रमुख तीन दलबीच आज वार्ता हुदैछ ।
प्रदेश सिमांकन हेरफेरको विषयलाई बटमलाइन बनाएको मोर्चासँग सत्तारुढ दल नेकपा एमाले, एकिकृत नेकपा माओवादी र प्रमुख प्रतिपक्षी दल कांग्रेसले आज छलफल गर्न लागेका हुन् ।
मोर्चासँग गर्ने वार्ताको तयारीबारे प्रमुख तीनदलले त्रिपक्षीय परामर्श गरी संयुक्त रुपमा छलफल गर्ने बताएका छन् ।
मोर्चा आवद्ध दल सद्भावना पार्टीका सहअध्यक्ष लक्ष्मणलाल कर्णले तीन दलले आज आफूसँग छलफल गर्ने बताएपनि समय भने तय नभएको बताउनुभयो ।
अपरान्न सम्ममा बस्ने तीन दल र मोर्चाको संयुक्त बैठकमा प्रदेश सिमांकन हेरफेरको विषयबारे छलफल हुने नेताहरुले बताएका छन् ।
मोर्चाले प्रदेश सिमांकन हेरफेरलाई बटमलाइन बनाएको भएपनि माग सम्बोधनका लागि विश्वासिलो प्रतिवद्धता जनाएर मधेशमा जारी आन्दोलन फिर्ता लिन आग्रह गर्ने प्रमुख दलको तयारी छ ।
