काठमाडौ २६ कार्तिक ।
लमजुङको बेशीसहरमा आज बिहान जीप दुर्घटना हुँदा पाँच जनाको मृत्यु भएको छ । दुर्घटनामा दुई जना गम्भिर घाइते भएका छन् ।
चनौटेबाट बेशीसहरका लागि छुटेको ग १ ज ५५ ८८ नम्बरको जीप बेशीसहर–१३ चनौटेमा आज बिहान करिब ३ बजेतिर दुर्घटनाग्रस्त भएको प्रहरीले जनाएको छ ।
दुर्घटनामा परी मृत्यु हुनेमा बेशीशहर १३ चनौटे पुरानो घर भइ हाल नवलपरासीको कावाशोती बस्दै आएका खुशीराम आले, बेशीशहर १३ चनौटेका मोसा तामाङ, भारत थापा, खुदी ९ अर्खले घर भइ हाल चनौटेमा बस्दै आएका नन्दबहादुर गुरुङ र तनहुँ पुरकोट घर भइ हाल बेशीशहर १३ चनौटे बस्दै आएका बसन्त श्रेष्ठ रहेका छन् ।
मृतकमध्ये थापा नेपाली सेनाको सिपाही भएको प्रहरी नायव उपरिक्षक शम्भू प्रसाद ढकालले बताउनुभयो । दुर्घटनामा बेशीहर १३ चनौटेका हिराबहादुर गुरुड र सैतुङ १ धादिङका अकल तामाड गम्भिर घाइते भएका छन् ।
गम्भिर घाइतेको लम्जुङ जिल्ला सामुदायीक अस्पतालमा प्रारम्भिक उपचारपछि थप उपचारका लागि मणिपाल अस्पताल पोखरा रेफर गरिएको छ । जीप चनौटेको थिती पाखाबाट करिब दुई सय मिटर तल खसेको थियो ।
