काठमाडौ २५ कार्तिक ।
राष्ट्रपति विद्यादेवी भण्डारीले नेपालीहरुको दोस्रो ठूलो पर्व दिपावलीको अवसरमा शुभकामना दिँदै सबै नेपालीको सुख, शान्ती, समृद्धी र उत्तरोत्तर प्रगतिको कामना गर्नुभएको छ ।
शुभकामना सन्देशमा उहाँले दीपावली सबै नेपालीबिच आपसी मेलमिलाप, भ्रातृत्व, सामाजिक सद्भाव र सहिष्णुता अझ प्रगाढा बनोस् भन्ने कामना पनि गर्नुभएको छ ।
यस्तै राष्ट्रपति भण्डारीले संविधान कार्यान्वयन गरी संघीय लोकतान्त्रिक गणतन्त्रको संस्थागत गरी देश विकासमा सहयोग गर्न पनि सबैमा अपिल गर्नुभएको छ ।
यसैबीच प्रधानमन्त्री केपी शर्मा ओलीले तिहार उज्यालो, खुशी र समृद्धीको पर्व भएकाले रमाइलो गरेर मनाउन शुभकामना दिनुभएको छ ।
अहिले देश र नागरिकले भोगिरहेको कठिनाईप्रति संवेदनशिल भएको भन्दै सबैले देखाएको धैर्यता र संयमताको सम्मान गरेको बताउनुभएको छ ।
आन्तरिक कठिनाईका बाबजूद पनि आफ्नो संस्कृती जोगाउँदै संविधानको कार्यान्वयन प्रभावकारी रुपमा गर्न सबै एकतावद्ध हुन पनि प्रधानमन्त्री ओलीले आग्रह गर्नुभएको छ ।
