रसुवा, २४ कार्तिक।

रसुवागढी नाकाबाट निकासी–पैठारीको कार्य सुरु भएको छ । चीनको केरुङ हुँदै मालसामान बोकेका कन्टेनरहरु आज नेपाल भित्रिएपछि रसुवागढी नाका पूर्णरुपमा सन्चालनमा आएको हो ।

रसुवागढी नाका हुँदै सोमबार केरुङतर्फ गएका १७ ओटा कन्टेनरमध्ये १४ ओटा कन्टेनरले मंगलबार स्याउ तथा रेडिमेट सामान ल्याएको रसुवागढी भन्सार कार्यालयले जनाएको छ ।

गत वैशाखको शक्तिशाली भूकम्पपछि रसुवागढी नाकाबाट मालसामानका कन्टेनर पहिलोपटक नेपाल भित्रिएका हुन् । यसैगरी, चीन सरकारले दिएको अनुदानको पेट्रोल लिन गएका २६ ओटा ट्यांकरले आज दुई लाख ७० हजार लिटर पेट्रोल पनि ल्याएको रसुवागढी भन्सार कार्यालयका निमित्त कार्यालय प्रमुख दीर्घबन्धु सुवेदीले बताउनुभयो ।

चीनबाट अहिलेसम्म ९७ ओटा ट्यांकरले नौ लाख २५ हजार लिटर तेल ल्याएका छन् ।

भोटेकोसी बाढीमा मृत्यु हुनेको संख्या १४ सय नाघ्यो, ६ हजारभन्दा बढी अझै बेपत्ता

प्रतिनिधिसभा नियमावली २०८३ का दुई विवादित प्रावधानविरुद्ध सर्वोच्चको अन्तरिम आदेश, कार्यान्वयनमा रोक

चिलिमे जलविद्युत् आयोजनाको सुरुङभित्र चार शव र मानव अङ्ग भेटियो

चामे–बेँसीसहर सडक अवरुद्ध

मन्त्रिपरिषद् बैठकका निर्णयः पराजुलीसहित चार जना विशिष्ट श्रेणीमा बढुवा

भोटेकोशी बाढीप्रभावितका लागि एनसेल कर्मचारीद्वारा ३३ लाख ५० हजार सहयोग