काठमाडौ २३ कार्तिक ।
लामो समयदेखि तराई मधेशमा आन्दोलनरत संयुक्त लोकतान्त्रिक मधेसी मोर्चाले महोत्तरीमा छठ पर्वसम्मका लागि बजार र वित्तीय संस्थाहरु खोल्न दिने निर्णय गरेको छ ।
भारतीय बजारबाट किसानलाई १५ लिटरसम्म डिजल ल्याउन पनि छुट दिने निर्णय गरेको मोर्चाका एक घटक तराई मधेस सद्भावना पार्टीका जिल्ला अध्यक्ष नरेन्द्र यादवले जानकारी दिनुभयो ।
सर्व साधारणलाई दीपावली र छठ पर्व मान्न सहज होस् भन्ने उदेश्यले मंसिर १ गतेसम्म बजार र वित्तीय संस्था खोल्न दिने निर्णय भएको यादवले बताउनुभयो ।
बजार र वित्तीय संस्था खोल्न दिने निर्णय भएपनि अन्य सरकारी कार्यालय बन्द तथा नाकाबन्दीलाई भने निरन्तरता दिइने मोर्चाले जनाएको छ ।
बजार र वित्तीय संस्था खुलेपछि आज बिहानैबाट सदरमुकाम जलेश्वरसहित दक्षिणी क्षेत्रका बजारमा मानिसहरुको चहल पहल बढेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
