काठमाडौँ, २३ कात्तिक ।
वन जङ्गलमा पाइने जडीबुटीमा आधारित प्राचीनतम् वैदिक चिकित्सापद्धति आयुर्वेदका प्रवर्तक भगवान् धन्वन्तरीको उत्पत्ति भएको सम्झनामा आज धन्वन्तरी जयन्ती मनाइँदैछ ।
देव र असुर मिली नागको नेती र मन्दराचल पर्वतको मदानी बनाई समुन्द्र मन्थन गर्दा रोगग्रस्त व्यक्तिको रोग निवारणका लागि कात्तिक कृष्ण त्रयोदशीका दिन अमृत कलश लिएर भगवान् धन्वन्तरीको उत्पत्ति भएको चर्चा वैदिक हिन्दू शास्त्रमा गरिएको छ ।
यसैकारण आजको त्रयोदशीलाई धन त्रयोदशी पनि भनिन्छ । आधुनिक युगसँगै मानिसले प्रकृतिमै पाइने जडीबुटीजन्य औषधिलाई बिर्सन थालेकाले सचेतनाका रुपमा धन्वन्तरी जयन्ती मनाउन लागिएको सिंहदरबार वैद्यखाना विकास समितिका प्रबन्ध निर्देशक राजेन्द्रकुमार गिरीले बताउनु भयो ।
नेपाल जलस्रोतपछि अपार जडीबुटीले भरिएको देश भएकाले अब हाम्रै देशमा पाइने जडीबुटीबाट बनेको आयुर्वे्दिक औषधिको प्रवद्र्धन गर्न सरकारले ठोस नीति ल्याउनुपर्ने गिरीको भनाई छ ।
