काठमाडौं, २० कात्तिक ।
हवाइ इन्धनको अभाव भएपछि आइतबारदेखि निजी विमान कम्पनीका आन्तरिक उडान बन्द हुने भएका छन ।
आइतबारदेखि सरकारी ध्वजाबाहक नेपाल एयरलाइन्सको उडानमात्रै सुचारु हुने नेपाल आयल निगम हवाइ इन्धन डिपो प्रमुख प्रदीप यादवले बताउनु भयो ।
यादवका अनुसार अहिले डिपोमा १४० किलोलिटर मात्र हवाइ इन्धन मौज्दात छ । आयल निगमले शनिबार ५० प्रतिशत मात्रै इन्धन उपलब्ध गराउने, तर आइतबारदेखि तेल दिन नसक्ने जनाएकाले आइतबारदेखि आन्तरिक उडान बन्द हुने यादवलेको भनाई छ ।
नेपाल एयरलाइन्सले सम्झौता अनुसार इन्धन नल्याइदिँदा आन्तरिक उडान पनि बन्द गर्नुपर्ने बाध्यता भएको उहााले बताउनुभयो ।
भारतीय नाकाबन्दीपछि उत्पन्न इन्धन संकट टार्न र आन्तरिक उडान नियमित गराउन भन्दै निगमले अन्तर्रा्ष्ट्रिय उडानलाई यसअघि नै हवाइ इन्धन उपलब्ध गराउन छाडिसकेको छ ।
नेपाल एयरलाइन्सले कार्गो उडान गरी बोकेको इन्धनबाट चलेको आन्तरिक उडानलाई समेत आइतबारदेखि इन्धन उपलब्ध गराउन नसक्ने अवस्थामा निगम पुगेको छ ।
अन्तर्रा्ष्ट्रिय उडान भर्ने कम्पनीहरुले विभिन्न ठाउँमा प्राविधिक अवतरण गरी इन्धन भरेर उडान गरिरहेका छन् ।
यसरी उडान भर्दा खर्च दोब्बर भएको भन्दै अन्तर्रा्ष्ट्रिय वायुसेवा सञ्चालकहरुले यथासक्य चाँडो इन्धनको जोहो गरिदिन सरकारको ध्यानाकर्षण गराएका छन् ।
नेपाल एयरलाइन्सले प्रयाप्त हवाई इन्धन ल्याउन नसकेको आरोप लगाउँदै आयल निगमले पेट्रोलिम्याक्सलाई इन्धन आपूर्तिको जिम्मा दिएपछि नेपाल एयरलाइन्स असन्तुष्ट बनेको छ ।
