विराटनगर, १९ कार्तिक ।
नेकपा (एमाले)का महासचिव ईश्वर पोखरेलले अहिले मुलुकलाई कमजोर बनाउन अवाञ्छित ढङ्गले अन्योल खडा गरी भ्रम सृजना गरिएको बताउनु भएको छ ।
विराटनगरमा आयोजीत सम्मान कार्यक्रममा बोल्दै उहाले अङ्गीकृत नागरिक संवैधानिक प्रमुख बन्न नसक्ने बताउनु भयो ।
उहाले अङ्गीकृत नागरिकले संवैधानिक प्रमुख बाहेक अन्य प्रकारका सम्पूर्ण व्यवस्था पाउने बताउनु भयो । वैवाहिक अङ्गीकृत नागरिकता पनि सामान्य प्रक्रिया पूरा गरी प्राप्त गर्ने व्यवस्था रहेको छ उहाले बताउनु भयो ।
महासचिव पोखरेलले राष्ट्रिय स्वाभिमान र संविधानको पक्षमा उभिनेहरुसँग हातेमालो गरेर अगाडि बढ्नुपर्ने आजको राष्ट्रिय आवश्यकता रहेको बताउनुभएको छ ।
उहाँले सङ्क्रमणकालको अवस्थामा मुलुकलाई कमजोर बनाउन खोजिएको र अवाञ्छित ढङ्गले अन्योल खडा गरी भ्रम सृजना गरिएकाले यस्तो समयमा राष्ट्रिय एकतालाई अझ बलियो बनाउनुपर्ने विषयमा जोड दिनुभयो ।
कार्यक्रममा महासचिव पोखरेलले प्रेस चौतारीका केन्द्रीय सदस्य विक्रम लुइँटेललाई जनार्दन मैनाली पत्रकारिता पुरस्कारबाट सम्मान गर्नुभयो ।
प्रेस चौतारी नेपाल, मोरङ र मैनाली परिवारद्वारा संयुक्त रुपमा प्रदान गरिएको सम्मानपत्रसहित सो पुरस्कारको राशि रु ११ हजार १११ रहेको छ । यसअघि यो पुरस्कारबाट ६ जना पत्रकार सम्मानित भइसकेका छन् ।
