काठमाण्डौ,१९ कात्तिक ।
नेपाल र चिनबिच बिभिन्न नाकाको ब्यापारीक मार्गमा सहजता र नेपाली बस्तुमा चिनिया पक्षले दिने छुट निर्णयको कार्यान्वय लगायत ११ बुदे सहमतीमा आज औपचारीक हस्ताक्षर हुने भएको छ ।
दुइ मुलुकका भन्सार अधिकारीबिच मंगलबार सुरु २८ औ उच्चस्तरीय बार्तामा तातोपानी र केरुङ नाका बाहेक मुस्तान , हुम्लाको एरिङ ,संखुवासभाको किमाथान्का, ताप्लेजुङको ओलाङचुगोला , गोरखाको लार्के , दोलखाको लामाबगरमा र मुगु नाकामा ब्यापारीक मार्ग सहज बनाउने सहमती भएको थियो ।
चिनले बिभिन्न नेपाली बस्तुलाई भन्सारमा दिदै आएको छुट कार्यान्वयन गर्ने बिषयमा पनि लिखित सहमती हुने बार्ता टोलीका सदस्य एबम भन्सार बिभागका प्रबक्ता सुर्य सेढाइले जानकारी दिनुभयो ।
अहिले संचालनमा रहेको रसुवाको केरङ नाकाको स्तरउन्नती सडक मर्मत पछि तातोपानी नाका पनि छिटटै संचालनमा ल्याउने बिषयमा सहमती भएको छ । यस्तै रसुवागढी केरुङ नाकालाई अन्तराष्ट्रिय स्तरको बनाउने दुइ मुलुकबिच सहमती भएको सेढाइले बताउनु भयो ।
राजधानीको एक होटेलमा साझ ५ बजे हुने सहमती पत्रमा भन्सार बिभागका उपमहानिर्देशक तथा नेपाली बार्ता टोली संयोजक दामोदर रेग्मी र ल्हासा भन्सारका उपमहानिर्देशक लोङ चुङ उले हस्ताक्षर गर्नुहुने छ ।
