काठमाण्डौ, १६ कार्तिक ।
चीनले अनुदानमा दिएको पेट्रोल बोकेका ट्यांकर साँझ काठमाडौं आइपुगेका छन् ।
रसुवाको धुन्चेबाट काठमाडौं आएका १२ ओटै ट्यांकरले ल्याएको पेट्रोल थानकोट डिपोमा खन्याइने छ । यस्तै, सोमबारै काठमाडौंबाट गएका थप तीनओटा ट्यांकर पनि ३४ हजार लिटर पेट्रोल भरेर रसुवागढी आइपुगेका छन् ।
चीनले नेपाललाई दिएको अनुदानको १३ लाख लिटर पेट्रोलमध्ये १ लाख ३२ हजार लिटर पेट्रोल नेपाल भित्रिसकेको छ भने ३४ हजार लिटर आउने क्रममा छ । सोमबार रसुवा भन्सार र नेपाल आयल निगमबीच कुरा नमिल्दा ट्यांकर सोमबार दिनभर रसुवाको टिमुरेमै अड्किएका थिए ।
उता, चीनसम्म पुगेर पेट्रोल लिएर आएका चालकहरुले नेपालतर्पmको बाटो अप्ठेरो भएकाले तत्काल सुधार गर्नुपर्ने बताएका छन् । रसुवागढीबाट पारी चीनतर्पmको बाटो भने निकै राम्रो रहेको उनीहरुले बताएका छन् ।
चीनबाट पेट्रोल लिएर आएका गाडीहरुलाई नुवाकोट र धादिङमा सर्वसाधारणले स्वागत गरेका थिए ।
