काठमाण्डौ,१५ कात्तिक ।
सरकार र तराइ मधेशमा बिगत ७९ दिनदेखी आन्दोलन गर्दै आएको संयुक्त लोकतान्त्रिक मधेशी मोर्चाबिच आज तेस्रो चरणको औपचारीक बार्ता हुदैछ । बार्ता अपरान्न ४ बजे ललितपुरको बालकुमारीस्थित मधेशी जनअधिकार फोरम लोकतान्त्रिकको कार्यालयमा हुने छ ।
मोर्चाले मेची देखी महाकालीसम्म पहाड नजोडीएका दुइ प्रदेशको मागलाई बटमलाइन बनाएको छ । सरकार पुर्ब तयारी बिना नै बार्तामा प्रस्तुत भएको भन्दै मोर्चाले आन्दोलनलाई थप सशक्त बनाउने रणनिती बनाएको छ ।
सिमाङकन बाहेक जनसंख्याका आधारमा निर्वाचन क्षेत्र , राज्यका सबै निकायमा समानुपातिक समाबेशी प्रतिनिधित्व लगायतका मागमा आज सहमती हुने सरकारी बार्ता टोलीका सदस्य अग्नी खरेलले जनाकारी दिनुभयो ।
यसैबिच संयुक्त लोकतान्त्रिक मधेशी मोर्चाको बैठक आज पनि बस्दैछ । हिजोदेखी जनकपुरको एक होटलमा जारी बैठकमा सरकारसंगको बार्ता र आगामी रणनितीका बिषयमा छलफल हुने सदभाबनाका महासचिब मनिष सुमनले जानकारी दिनुभयो ।
