काठमाडौँ, १३ कात्तिक ।
भारतले अघोषितरूपमा गरेको नाकाबन्दीका कारण तिहारमा सयपत्री पूmलको अभाव हुने देखिएको छ । हरेक वर्ष तिहारको लागि भारतबाट पूmल आयात गर्ने गरेको भएकाले यसवर्ष नाकाबन्दीले गर्दा अभाव हुने देखिएको फ्लोरिकल्चर एसोसियसन नेपालले जनाएको छ ।
पछिल्लो समय स्वदेशी पूmल उत्पादनमा वृद्धि भएपनि चाडपर्वलाई लक्षित गरेर झण्डै २० प्रतिशत पूmल अझैपनि भारतबाटै आयात गर्ने गरिएको छ । गत वर्षको तिहारमा रु एक करोड ४० लाख बराबरको सयपत्री पूmल भारतबाट आयात गरिएको थियो ।
नाकाबन्दीका कारण यस वर्ष पूmल आयात गन समस्या देखिएको एसोसियसनका अध्यक्ष लोकनाथ गैरेले जानकारी दिनुभयो । विगतका वर्षमा १५ दिन अगाडि नै तिहारका लागि भारतबाट पूmल आयात गरिन्थ्यो । यस वर्ष अहिलेसम्म ल्याउने तयारीसमेत भएको छैन ।
पछिल्लो समय पूmलको प्रयोग होटल, सभा सम्मेलन र घरमा सजावट बढिरहेकाले वार्षिक रु अढाई करोड बराबरको पूmलको कारोबार हुने गरेको छ । सबैभन्दा बढी काठमाडौँ उपत्यकामा ९० प्रतिशत पूmलको खपत हुने गरेको छ ।
सयपत्री पूmल भारतबाट ल्याउने गरेको भएपनि गोदावरी र मखमली पूmल अस्ट्रेलिया तथा मलेसिया निर्यात हुने गरेको छ ।
