काठमाडौँ, ११ कात्तिक ।

राष्ट्रपति डा रामवरण यादव भोलि बिहीबार ललितपुरको बागडोलस्थित भाडाको घरमा सर्ने हुनुभएको छ ।

व्यवस्थापिका–संसद्बाट आज राष्ट्रपति पदमा विद्यादेवी भण्डारी निर्वा्चित भएसँगै राष्ट्रपति डा यादव शीतलनिवासबाट सर्न लाग्नुभएको हो ।

नवनिर्वा्चित राष्ट्रपति भण्डारीको शपथग्रहण समारोहपछि सरकारले आयोजना गर्ने बिदाइ समारोहपछि उहाँ साँझ बागडोल सर्नुहुने उहाँका प्रेस सल्लाहकार राजेन्द्र दाहालले जानकारी दिनुभयो ।

सरकारले भोलि राष्ट्रपति यादवको बिदाइमा एक समारोहको आयोजना गर्दैछ । शपथग्रहण समारोह सकिएको डेढ घन्टापछि सरकारले गर्ने भिन्नै समारोहमा राष्ट्रपति यादवको बिदाइ गरिनेछ ।

उहाँ २०६५ साउन ६ गते गणतन्त्र नेपालको प्रथम राष्ट्रपति चुनिनुभएको थियो ।

संसद्‌मा प्रश्न मात्रै उठाउँदा सरकारलाई गाह्रो भयो : प्रधानमन्त्री शाह

भारत भ्रमणमा रहेका अर्थमन्त्री वाग्लेद्वारा कनेक्टिभिटी, व्यापार सन्धि पुनरावलोकन र भारतीय लगानीमा जोड

राष्ट्रियसभा : सहायक प्रजनन प्रविधिको प्रयोगसम्बन्धी कानुन निर्माणको सङ्कल्प प्रस्ताव पारित

मन्त्रिपरिषद् बैठकः तेह्र मुलुकका लागि राजदूत सिफारिस

कोशी प्रदेशका २३२ अधुरा योजना सम्पन्न गर्ने व्यवसायीको प्रतिबद्धता

बागमती प्रदेशमा मन्त्रिपरिषद् विस्तार