काठमाडौं, ३ कार्तिक ।
नेपाल राष्ट्र बैंकले दशैंका लागि ५७ अर्ब रूपैयाँ नायाँ नोट बजारमा पठाएको छ । असोज २४ गतेदेखि कात्तिक २ गतेसम्म राष्ट्र बैंकले नयाँ नोट सटही सुविधा सञ्चालन गरेको थियो ।
राष्ट्र बैंकको थापाथली कार्यालय र बिराटनगर, जनकपुर, बीरगञ्ज, भैरबहा, पोखरा, नेपालगञ्ज, धनगढीमा रहेका क्षेत्रीय कार्यालयहरूबाट नयाँ नोट सटही सुविधा प्रदान गरिएको थियो ।
बैंक वित्तीय संस्थाले राष्ट्र बैंकको केन्द्रीय कार्यालय बालुवाटारबाट असोज १८ गतेदेखि नयाँ नोट साट्न पाउने व्यवस्था गरिएको थियो ।
सर्वसाधारणलाई ५, १० र २० रुपैयाँको नोट २र२ प्याकेटका दरले उपलब्ध गराइने भएको छ भने ५० र १०० रुपैयाँको १र१ प्याकेट उपलब्ध गराइएको छ । एक जनालाई २२ हजार रुपैयाँसम्म नयाँ नोट साट्न पाउने व्यवस्था गरिएको थियो ।
हिन्दूहरूको महान चाड दशैंमा प्रत्येक वर्ष राष्ट्र बैंकले नयाँ नोट सटही सुविधा उपलब्ध गराउँदै आएको छ ।
