कात्तिक २, काठमाडौं ।
भारतले नेपालमा लगाएको अघोषित नाकाबन्दीका बिषयमा बिषयमा परराष्ट्रमन्त्री कमल थापा र भारतीय प्रधानमन्त्री नरेन्द्र मोदीवीच छलफल भएको छ ।
भारतीय प्रधानमन्त्रीको निवासमा भएको छलफलमा मोदीले सहज भएको नाकाबाट निर्यात बढाउने आश्वासन दिनुभएको छ । तर वार्तामा रक्सौल नाका सुचारु गर्ने बिषयमा कुनै छलफल नभएको जनाइएको छ ।
मोदीले अरु राजनीतिक समस्या समाधान नगरी सम्वन्धको सबै आयाम फराकिलो हुन नसक्ने जवाफ दिएको भेटमा संलग्न एक अधिकारीले बताए । जवाफमा मन्त्री थापाले आन्तरिक समस्या मिलाउनका लागि सरकारले संवाद र समझदारी अघि बढाएको बताउनुभएको थियो ।
शनिबार भारतको नयादिल्ली जानुभएका परराष्ट मन्त्री थापाले हिजो भारतीय विदेशमन्त्री सुष्मा स्वराज र गृहमन्त्री राजनाथ सिहं लगाएतसंग भेटवार्ता गर्नुभएको थियो । थापा अपराह्न स्वदेश कार्यक्रम छ ।
