काठमाडौं, असोज २८ ।
राष्ट्रपति डा. रामवरण यादवले दलहरुले निर्णय गरे आफू जस्तोसुकै जिम्मेवारी बहन गर्न तयार रहेको बताउनु भएको छ ।
भारतीय पत्रिका ‘द हिन्दू’लाई अन्तर्वार्ता दिदै राष्ट्रपति डा. यादवले राजनीतिक दलहरुले चाहेमा आफू फेरि राष्ट्रपति हुन तयार रहेको बताउनु भउको हो ।
लामो मौनता तोड्दै यादवले फेरि राष्ट्रपति हुने इच्छा देखाउनु भएको छ ।
राष्ट्रपति यादवले अबको राष्ट्रपति मधेसी समुदायकै व्यक्ति हुनु राम्रो हुने सुझाव पनि दिनुभएको छ ।
नेपालमा प्रतिनिधिमूलक सरकार चाहिने भन्दै उनले देश र राजनीतिक दलहरुले माग गरे भने राष्ट्रपतिका रुपमा फेरि देशको सेवा गर्न तयार रहेको बताउनु भयो ।
मधेसको समस्या कार्पेटमुनि राखेर समाधान गर्न नसकिने पनि राष्ट्रपति डा. यादवको भनाइ छ ।
संसदले दशैंलगत्तै नयाँ राष्ट्रपतिको चुनाव गर्ने तयारी गरिरहँदा राष्ट्रपति यादवले आफनो धारणा सार्वजनिक गर्नुभएको हो ।
यद्यपि, सरकारको नेतृत्वकर्ता दल एमाले स्वयंले राष्ट्रपति आफनो दलबाट बनाउने तयारी गरिरहेको छ ।
