सुनसरी, असोज २५ ।
भारतले नेपालमाथि निरन्तर दवाव दिईरहेको सन्दर्भमा पछिल्लो समय फेरी भूमि अतिक्रमण शुरु गरेको छ । सुनसरीमा अतिक्रमित भूमिमा भारतीयहरुले बस्ती नै बसाएका छन् । यस बारे सरकारले कुनै प्रतिकृया दिएको छैन ।
भारतले सुनसरीको सिमावर्ती गाविसको नेपाली भुमि र दशगजा क्षेत्रमा व्यापक अतिक्रमण गरी बस्ती बसाएको छ ।
सिमा सुरक्षाको जिम्मा पाएको सशस्त्र प्रहरी भारतले नेपाली भुमि र दशगजा क्षेत्र अतिक्रमण गरी बस्ती बनाउदा समेत नेपाल सरकार रमिते बनेको छ ।
सुनसरीका एक दर्जन गाविसकोहजारौ विघा जमिन भारतले अतिक्रमण गरि बस्ती बसाउँदा समेत नेपाल सरकारले उक्त बस्ती हटाउन कुनै चासो नदेखाएको स्थानिय वासिन्दाको गुनासो छ ।
भारतको विहार राज्य अन्र्तगत रहेको हररिया र सुपौल जिल्ला र नेपाल तर्फको सुनसरी जिल्लाको सिमावर्ती गाविसमा भारतले नेपाली भुमी अतिक्रमण गरी बस्ती बसाएको हो ।
भारतसंग सिमाना जोडिएको सुनसरीको हरीपुर, श्रीपुर लौकही, नरसिंह, बसन्तपुर, घुस्की, देवानगञ्ज, कप्तानगञ्ज, साहेबगञ्ज, र अमडुवा गाविसको हजारौ विघा जमिन भारतले अतिक्रमण गरी बस्ती बसाएको छ ।
यस क्षेत्रको दजगजा क्षेत्रमा पनि भारतले अतिक्रमण गरी बस्ती बसाइ खेतीपाती समेत गर्ने गरेको छ ।
