काठमाडौँ, १० असोज ।
भूकम्पले क्षतिग्रस्त बौद्धनाथ स्तुपा (चैत्य) को पुनःनिर्माणका लागि बुद्धिस्ट एसोसिएसन अफ चाइनाले रु ३३ लाख २० हजार (दुई करोड युआन) सहयोग प्रदान गरेको छ ।
आज राजधानीमा आयोजित एक कार्यक्रममा पर्यटन मन्त्रालय अन्तर्गत रहेको बौद्धनाथ क्षेत्र विकास समितिलाई उक्त रकम हस्तान्तरण गरिएको हो ।
सोही अवसरमा पर्यटन मन्त्री कृपाशुर शेर्पाले एक असल छिमेकीका रुपमा रहेको चीनले संकटका बेला नेपाललाई गरेको सहयोगका लागि धन्यवाद दिँदै चीनविरोधी कार्य भइरहेको समाचार बाहिर आएपनि नेपाली भूमिमा यस्ता कार्य गर्न नदिने बताउनुभयो ।
संस्थाका अध्यक्ष गुरु जुबे चेङ्ले रकम धेरै नभएपनि सहयोगका लागि बढाएको हात र साथ ठूलो कुरा भएको बताउनुभयो । यसैगरी, कार्यक्रममा आनी छोइङ् डोल्माको अनाथ बालबालिकाको विद्यालयलाई पनि सहयोगस्वरुप रु १६ लाख प्रदान गरिएको थियो ।
