काठमाडौँ, १ असोज । पर्यटन उद्योग एक्काइसौँ शताब्दीको ठूलो उद्योगका रुपमा विकास हुँदै गएको नेताहरुले बताएका छन् ।
नेकपा (एमाले) निकट पर्यटन व्यवसायीको सङ्गठन ‘नेपाल राष्ट्रिय पर्यटन व्यवसायीे सङ्गठन’ केन्द्रीय समितिको बैठक उद्घाटन गर्दै पार्टीका महासचिव ईश्वर पोखरेलले धेरै पर्यटक देशमा भित्र्याउने हो भने काठमाडौँ उपत्यकामा रहेको होटल, सवारी सुविधालाई ग्रामीण क्षेत्रमा विस्तार गर्दै लैजानु आवश्यक रहेको औँल्याउनुभयो ।
संस्कृति, पर्यटन तथा नागरिक उडड्यनमन्त्री कृपाशुर शेर्पाले पर्यटन क्षेत्रको प्रचुर सम्भावना बोकेको देशमा आवश्यक पूर्वाधारको अभाव भएको बताउनुभयो ।
एमाले स्थायी समिति सदस्य मुकुन्द न्यौपानेले पर्यटन क्षेत्रको आवश्यक पूर्वाधार पु¥याएर छिमेकी मुलुकमा आउने पर्यटकलाई हाम्रो देशमा तान्नुपर्छ भन्नुभयो । एमाले पर्यटन विभाग प्रमुख सूर्य थापा, सङ्गठनका अध्यक्ष चन्द्र रिजाललगायतले संविधान निर्माणसँगै आर्थिक क्रान्ति हुने भन्दै बन्द हडतालजस्ता क्रियाकलाप गर्न नहुनेमा जोड दिनुभयो ।
