काठमाडौ २६ भदौ ।
प्रदेश सिमांकन लगायत संविधान निर्माण प्रक्रियामा असन्तुष्टी जनाउदै तराई मधेशमा जारी बन्द आज पनि कायमै छ ।
हिजो दिनभर तनावग्रस्त बनेको महोत्तरी जनकपूर आज केही शान्त रहेको छ । जारी आन्दोलनका क्रममा चार दिनयता महोत्तरीमा मात्र एक सुरक्षा अधिकारी सहित चार जनाको मृत्यु भएको छ ।
गत बुधबार प्रहरीको गोली लागेर चार जनाको मृत्यु भएकोमा हिजो शसस्त्र प्रहरीका असाई थमनबहादुर विक, रेडक्रसकर्मी गनेश चौधरी र प्रदर्शनकारी महिला राजशिलादेवीको मृत्यु भएको थियो ।
चार दिन यता जिल्लामा लगाएको करफ्यु आजै निकै कडा बनाएको स्थानीय प्रशासनले जनाएको छ । बिहानैबाट उक्त क्षेत्रमा बाक्लो मात्रमा सुरक्षाकर्मी परिचालन गरिएको छ ।
यस्तै जनकपूरमा प्रदर्शनका क्रममा हिजो तीन जनाको मृत्यु भएपछि स्थानीय प्रशासनले साँझबाट दंगाग्रस्त क्षेत्र घोषणा गर्दै सेना परिचालन गरेको छ । त्यहाँ करफ्यु जारी छ ।
