काठमाडौं, २५ भदौ ।
नँया संविधानका लागि संविधानसभामा आजबाट मतदान प्रक्रिया सुरु हुने भएको छ । मतदानको प्रक्रिया सुरु हुनुअघि आज काँग्रेस, एमाले र एमाओवादीका शीर्ष नेताहरुले संविधानसभालाई अन्तिम सम्बोधन गर्ने कार्यसुची रहेको छ ।
विहान ११ बजे बस्ने संविधानसभाको बैठकमा संविधानको परिमार्जित विधेयकमाथीको दफाबार छलफलमा बोल्न बाँकी रहेका सभासदहरुले आफ्नो धारणा राखेपछि संविधानसभाका अध्यक्ष सुवासचन्द्र नेम्वाङले नेताहरुलाई विषेश समय दिनु हुनेछ ।
दफाबार छलफलमा भाग लिन नाम टिपाएका २ सय ७९ सभासदमध्ये १० जना सभासदहरुले मात्र बोल्न बाँकी छ ।
मस्यौदा समितिका सभापति कृष्ण प्रसाद सिटौललाले संविधान विधेयकमा भएको दफाबार छलफलमा उठेका प्रश्नहरुको जवाफ दिएपछि अपराह्नदेखि संविधान विधेयकमाथि मतदानको प्रक्रिया सुरु हुने संविधानसभा सचिवालयले जनाएको छ ।
यद्यपी आन्दोलनरत दललाई सहमतिमा ल्याउन संविधान निर्माण प्रक्रिया केही दिन रोक्न संविधानसभालाई चौतर्फी दबाब परपछि आजबाट मतदान प्रक्रिया सुरु हुने अनिश्चित रहेको छ ।
संविधान विधेयकमा प्रस्तुत संशोधन प्रस्तावबाट सुरु हुने मतदानको प्रक्रिया दुई दिनमा सकिने सचिवालयले जनाएको छ ।
