काठमाण्डौ,२४ भदौ ।

कञ्चनपुरको भीमदत्तनगरपालिका–१४ वनकट्टीमा लामखुट्टेको टोकाइबाट लाग्ने जापानी इन्सेफ्लाइटिस रोग देखिएको छ ।

स्थानीय रामदत्त जोशी बिरामी भएर उपचारका लागि केही दिनअघि धनगढीस्थित सेती अञ्चल अस्पताल पुगेका थिए । उनलाई अस्पतालले इन्सेफ्लाइटिस रोग लागेको बताउँदै थप उपचारका लागि भारतको बरेली पठाएको वनकट्टीका महिला स्वयम्सेविका भारती सिंहले जानकारी दिनुभयो ।

उहाँले दिनुभएको जानकारीअनुसार पाँच दिनदेखि अचेत अवस्थामा जोशीको भारतको बरेलीमा उपचार भइरहेको छ । चौध दिनअघि मात्रै गाउँकै छ वर्षीय बालक भुवन जोशीका इन्सेफ्लाइटिसकै कारण मृत्यु भएको छ ।

स्वयम्सेविका सिंहले भन्नुभयो– “छिमेकमै फेरि जोशी बिरामी परेका छन् ।” गाउँ भेला गरेर लामखुट्टे मार्ने औषधि जनस्वास्थ्यबाट माग्ने सल्लाह हुँदै गरेको जानकारी पनि उहाँले दिनुभयो ।

एन्फा कार्यालयमा सीआईबीको छापा: कागजात नियन्त्रणमा, कोषाध्यक्ष रवीन्द्र जोशीसँग सोधपुछ

भारत भ्रमणमा रहेका अर्थमन्त्री वाग्लेद्वारा कनेक्टिभिटी, व्यापार सन्धि पुनरावलोकन र भारतीय लगानीमा जोड

राष्ट्रियसभा : सहायक प्रजनन प्रविधिको प्रयोगसम्बन्धी कानुन निर्माणको सङ्कल्प प्रस्ताव पारित

बागमती प्रदेशमा मन्त्रिपरिषद् विस्तार

पाकिस्तानी राजदूत खानद्वारा रासस परिवारप्रति सहानुभूति प्रकट

मन्त्रिपरिषद् बैठकः तेह्र मुलुकका लागि राजदूत सिफारिस