काठमाडौं, भदौ २३ ।
भारतको नयाँ दिल्लीमा एक साउदी अरबका कुटनीतिज्ञले दुई नेपाली महिलाको यौन शोषणा गरेको खुलासा भएको छ ।
साउदी अरबका कुटनीतिज्ञले आफूहरुको अपहरण गरी गुडगाउँको एक फल्याटमा राखेर पटक पटक बलात्कार गरेको पीडित नेपाली महिलाले बताएका छन ।
नेपाली महिलालाई बन्धक बनाएर यौन शोषण गरेको थाहा पाएपछि माइती नेपालका दिल्लीमा रहेका प्रतिनिधिले प्रहरीमा उजुरी गरेका थिए । त्यसपछि भारतीय प्रहरीले फ्ल्याटमा छापा मारेर उनीहरुलाई उद्धार गरेको थियो ।
गुडगाउँ क्षेत्र हेर्ने प्रहरी अधिकारी सौरभ सिंहले महिलालाई उद्धार गरिएको र बलात्कारको बारेमा अनुसन्धान थालेको बताउनुभएको छ ।
तर अहिलेसम्म कसैलाई पक्राउ नगरेको गुडगाउँ प्रहरीले जनाएको छ । नेपाली महिलालाई राखिएको फल्याट दिल्लीस्थित साउदी अरबको दूतावासले भाडामा लिएको पाईएको छ ।
आफूहरुलाई पहिले साउदी अरबको जेद्दाहमा लगिएको र त्यहाँ पनि बलात्कार गरेको पीडित महिलाले बताएका छन् ।
