काठमाण्डौ,२२ भदौ ।
दक्षिण कोरियामा ४ जना अवैधानिक नेपाली कामदार पक्राउ परेका छन । थेगु सहर क्षेत्रबाट पक्राउ परेका १३ अवैधानिक विदेशी कामदार मध्ये ४ नेपाली रहेका छन ।
कोरियाली अध्यागमन विभागका कर्मचारीले सन्जु बसपार्क नजिकै रहेको केसी टेक नामक सिएनसी कम्पनिमा काम गरिरहेको अवस्थामा उनीहरुलाई पक्राउ गरेका गरेको हो ।
पक्राउ परेका मध्ये ४ भियतनामी र ५ जना चिनियाँ कामदार रहेका छन । नेपाली कामदारहरु उक्त कम्पनीमा केहि हप्ता अघिमात्र आएको त्यस क्षेत्रमा काम गरिरहेका एक नेपालीले जानकारी दिए । ती नेपालीका अनुसार अध्यागमन विभागका कर्मचारीहरु एकै चोटी कम्पनीमा प्रवेश गरेर धडपकड सुरु गरेको थिए ।
कम्पनीमा धडपकड भएपछि रात्रीकालीन काम गरेर सुतिरहेका अन्य कामदारबीच भागाभाग भएको थियो । यसअघि गत अगस्ट १२ तारिखमा पनि त्यस क्षेत्रमा डाइकस्टिङ कम्पनी काम गरिरहेका ३ महिला र ४ पुरुष गरि ७ नेपाली कामदार पक्राउ परेका थिए ।
कोरियामा अन्य देशको तुलनामा नेपाली अबैधानिक कामदार न्यून रहेको छ । पछिल्लो चरणमा भने भिसा अवधि सकेर अबैधानिक बस्ने नेपाली कामदारको संख्या बढ्दो छ ।
