काठमाडौ २२ भदौ । आज बिहान ११ बजेका लागि बोलाइएको संविधानसभाको बैठक २ बजेका लागि सारिएको छ ।
आबश्यक तयारी नपुगेको भन्दै संविधानसभाको बैठक २ बजेका लागि सारिएको संविधानसभा सचिवालयले जनाएको छ ।
आजको बैठकमा सभासदहरुले राखेका संसोधन प्रस्ताब माथी दफाबार छलफल हुने कार्यसुची छ ।
बैठकमा संविधानको विधेयकमाथि परेका ५६ वटा संशोधन क्रमैसँग प्रस्तुत भएपछि संशोधन र विधेयकका दफामा एकमुष्ट छलफल सुरु हुनेछ ।
संविधानसभामा दर्ता गराएका संशोधन प्रस्ताव मध्ये हिजोसम्ममा केही सभासदले प्रस्ताव फिर्ता लिएको संविधानसभा सचिवालयले जनाएको छ ।
मस्यौदा समितिका सभापति कृष्णप्रसाद सिटौलाले संसोधन प्रस्ताव माथीको दफावार छलफल गरियोस भन्ने प्रस्ताव राख्नु भएपछि छलफल सुरु हुनेछ ।
सभाध्यक्ष सुवास नेमवाङले एमाओवादी सहितका प्रमुख दलहरुलाई शासकीय स्वरुप लगायका फरक मतलाई आफ्नो राजनितिक अडानका रुपमा संविधानसभामा अन्तिम पटक रेकर्ड गराउन विशेष समय दिने तयारी गर्नुभएको छ ।
यस्तै दलहरुले पनि फरक मतलाई संशोधनको रुपमा दर्ता नगरी सिधै संविधानसभामा टेबल गराउने भएको छ । आगामी भदौ मसान्तसम्ममा संविधान जारी गर्ने तयारी भएपनि संविधानसभा सचिवालयले दफाबार छलफलका लागि समयसीमा र पारित गर्ने अन्तिम दिन तोकेको छैन ।
