काठमाण्डौ,२० भदौ ।
सीमांकनप्रति असन्तुष्ट व्यक्त गर्दै देशका विभिन्न क्षेत्रमा भएको आन्दोलनमा हालसम्म २९ जनाको मृत्यु भएको छ। ब्यबस्थापिका संसदमा घटनाबारे जानकारी गराउँदै गृहमन्त्री बामदेव गौतमले आन्दोलनका क्रममा १० सुरक्षाकर्मी सहित २९ जनाको मृत्यु भएको बताउनुभयो ।
आन्दोलनमा प्रहरीले अधिकतम संयमता अपनाएको उहाँको भनाई छ । प्रदर्शकारी उग्र बन्दै सुरक्षाकर्मीमाथि आक्रमण गरेपछि मात्र प्रहरीले जवाफी कारबाही गरेको उहाको दाबी छ । विभिन्न क्षेत्रमा भएको आन्दोलनमा आन्दोलनकारी अत्याधुनिक हतियार सहित प्रस्तुत भएको मन्त्री गौतमले बताउनु भयो ।
उहाले आन्दोलन साम्प्रदायिक सद्भाव विथोल्ने तर्फ केन्द्रित भएको बताउनुभयो । गौतमका अनुसार आन्दोलनमा सुरक्षाकर्मीतर्फ ८३ जना घाइते भएका छन् भने १ सय १२ प्रदर्शनकारी घाइते भएका छन ।
यस्तै १ सय ७२ वटा सवारीसाधनमा तोडफोड भएका छन् भने सरकारी र निजी गरी ४४ वटा भवनमा क्षति पुगेको उहाँले जानकारी दिनुभयो ।
