काठमाण्डौ, १९ भदौ ।
संबिधानसभाका अध्यक्ष सुवासचन्द्र नेम्वाङले आन्दोलनरत पक्षहरुको माग सुनुवाई हुने बताउँदै वार्तामा आउन आग्रह गर्नुभएको छ ।
उहाँले वार्ताको माध्यमबाटै सबै समस्याको सम्बोधन हुने भन्दै जायज मागको सम्बोधन हुने बताउनुभएको हो । लायन्स क्लबले आज राजधानीमा आयोजना गरेको कार्यक्रमलाई सम्बोधन गर्दै उहाँले भन्नुभयो, आन्दोलनरत पक्षहरु वार्तामा आउनुपर्छ, संविधानमा सबैको भावनाको कदर हुन्छ भन्ने म विस्वास दिलाउन चाहन्छु ।’
उहाँले संविधान जारी भइसकेपछि पनि संविधान संसोधन हुन सक्ने भन्दै विश्वका विभिन्न देशमा पनि सबैको मागको उचित सुनुवाईको लागि यस्तै व्यवस्था रहेकाले आन्दोलनरत पक्ष आत्तिनु पर्ने अवस्था नरहेको बताउनुभयो ।
हाल मितिको घोषणा गर्न सम्भव नभएपनि भदौ महिनाभित्रै संविधान जारी हुने समेत सो अवसरमा नेम्वाङले दाबी हुने बताउनुभयो ।
