काठमाडौ १९ भदौ ।
संविधानको विधेयकमा साझा संशोधन प्रस्ताव बारे ठोस धारणा बनाउन प्रमुख चार राजनितिक दलको बैठक आज पनि बस्दैछ ।
दुई तिहाई बहुमतबाट संविधानको मस्यौदा विधेयकमा संशोधन प्रस्ताव मार्फत आन्दोलनरत पक्षको मागलाई सम्बोधन गर्न साझा प्रस्तव ल्याउने बारे छलफल गर्न चार दलको बैठक बस्न लागेबो हो ।
बिहान ९ बजे पछि बस्ने कांग्रेस, एमाले, एकिकृत नेकपा माओवादी र फोरम लोकतान्त्रिकका शिर्ष नेता सम्मिलित बैठकले साझा संशोधनका विषयमा ठोस प्रस्ताव ल्याउने बताइएको छ ।
संविधान सभाले विधेयक माथि संशोधन प्रस्ताव दार्ताका लागि आज सम्मको समयसीमा तय गरेकाले प्रमुख दलहरुले संशोधन प्रस्ताव मार्फत आन्दोलनरत पक्षको माग सम्बोधन गर्ने गरी तयारी अघि बढाएका छन् ।
यसअघि हिजो बालुवाटार स्थित प्रधानमन्त्री निवासमा बसेको प्रमुख चार दलको छलफलमा आज बिहान बस्ने बैठक मार्फत स्रशोधन बारे ठोस प्रस्ताव ल्याउने सहमति भएको थियो ।
