काठमाण्डौ,१८ भदौ ।
प्रहरीको सुरक्षामा वीरगन्जबाट १९३ मालबाहक गाडी राजधानीलगायत विभिन्न स्थानमा पठाएको छ ।
सीमाङ्कनप्रति असन्तुष्टि जनाउँदै मधेस केन्द्रित दलले गरेको अनिश्चितकालीन मधेस बन्दका क्रममा प्रदर्शनकारी र सुरक्षाकर्मीबीच पटकपटक झडप हुदा शान्तिसुरक्षा कायम गराउन स्थानीय प्रशासनले जारी गरेको निषेधाज्ञा र दङ्गाग्रस्त क्षेत्र घोषणाले अलपत्र अवस्थामा रहेको १९३ मालबाहक गाडीलाई गएराति सुरक्षाकर्मीले सुरक्षा दिएर गन्तव्यतर्फ पु¥याएको पर्साका प्रमुख जिल्ला अधिकारी केशवराज घिमिरेले बताउनुभयो ।
जिल्ला प्रशासन कार्यालय पर्साका अनुसार, वीरगन्जबाट कडा सुरक्षाबीच ७५ वटा पेट्रोलियम पदार्थ बोकेका ट्याङ्कर, १८ वटा ग्यास बुलेट, ७४ वटा मालबाहक गाडी, १७ वटा कन्टेनर, चार वटा यात्रुबाहक बस र पाँच वटा गाडीका चेसिज गरी २०० वटा सवारीसाधन गन्तव्यतर्फ पठाइएको छ ।
