काठमाण्डौ, १७ भदौ ।
प्रमुख चार दलले आन्दोलनरत मधेसवादी दललाई विनाशर्त वार्तामा आउन आग्रह गरेका छन् । आज अपरान्ह प्रधानमन्त्री निवास बालुवाटारमा बसेको चार दलका शीर्ष नेताको बैठकले आन्दोलन छाडेर विनाशर्तमा वार्तामा आउन मधेसवादी दललाई आग्रह गर्ने निर्णय गरेको हो ।
तराई मधेसमा आन्दोलन उग्र भएर मानिसको ज्यान जाने क्रम बढेपछि शीर्ष दलले संवादप्रक्रिया थालेर मधेसी दललाई वार्तामा बोलाएका हुन् । बालुवाटार बैठकपछि बाहिरिँदै कांग्रेस, एमाले र एमाओवादीका शीर्ष नेताहरुले एकै स्वरमा मधेसवादी दललाई दुई दिनभित्र वार्ताको टेबलमा आउन भनेका हुन् ।
चार दलले मधेसवादी दललाई १९ गतेसम्म वार्ताका लागि कुर्ने निर्णय गर्दै संविधान निर्माणप्रक्रिया भने कुनै हालतमा नरोक्ने सहमति गरेका छन् । यसैविच बैठकमा सहभागी फोरम लोकतान्त्रिकका अध्यक्ष विजय गच्छदारले भने संविधानको विधेययक संशोधन नगरिए आफूलाई मान्य नहुने प्रतिक्रिया दिनुभयो ।
विधेययकलाई संशोधन गरेर संविधान निर्माणलाई अघि बढाउन आग्रह गर्दै गच्छदारले त्यसो नभए संविधान निर्माण प्रक्रियाबाट आफ्नो दल बाहिरिने चेतावनी दिनसभयो ।
