काठमाडौं १७ भदौ ।
दंगाग्रस्त क्षेत्र घोषणा गरीएको कैलालीको टिकापुरमा स्थानिय प्रशासनले कर्फयु केही खुकुलो पार्दै गएपछि जनजिबन अझै सामान्य बन्न सकेको छैन । २४ घन्टे कर्फुयु बिहानको समयमा फुकुवा गरीदा सर्बसाधारण मारमा परेका छन ।
हिजो ४ घण्टा खुल्ला गरीएको आज ३ घण्टा मात्र खुल्ला गरीएको छ । बिहान ७ देखि १० बजेसम्म कर्फुयु खुल्ला गरीएको र पुनह १० बजेबाट कफर््यु लगाइएको स्थानिय प्रशासनले जनाएको छ । कर्फ्यू हटेपछि टीकापुर बजारमा किनेमेल गर्नेहरुको चहलपहल बढेको थियो । तर, बजारमा खाद्यान्न, इन्धन, रिचार्ज कार्ड लगायतका सामानको अभाव देखिउको छ ।
कैलालीको भजनी त्रिशक्ति नगरपालिका सहित दुर्गौली, धनसिंहपुर, पथरैया, मुनुवा, जोशीपुर, नारायणपुर, बौनिया र थापापुर गाविसमा लगाइएको कर्फ्यु भने कायमै रहेको छ । यस्तै धनगढीमा भने मध्यान्ह १२ बजेदेखि अपरान्ह चार बजेसम्म निषेधाज्ञा जारी गरिएको छ । निषेधाज्ञाको समय घटाएसँगै धनगढीमा सर्वसाधारणको चहलपहल पनि बढ्न थाले त्यहाबाट हाम्रा सहकर्मीले जनाएका छन ।
भदौ ७ गते आन्दोलनकारीको आक्रमणबाट एसएसपी लक्ष्मण न्यौपाने सहित ८ सुरक्षाकर्मी र एक बालकको मुत्यु भएपछि प्रशासनले टिकापुरलाई दंगाग्रस्त क्षेत्र घोषणा गरेको हो ।
