काठमाडौं, १७ भदौ ।
नेपाली काँंग्रेसका बरिष्ठ नेता शेर बहादुर देउवाले बार्तामा आउन सबै असन्टुष्ट पक्षलाई आग्रह गर्नुभएको छ । सबै समस्याको समाधान वार्ताबाट गर्न सकिने भन्दै उहाले वार्तामा आउन अपिल गर्नुभयो ।
नेपाल स्वास्थ्य व्यवसायी महासंघको १० औं वार्षिक साधारणसभामा बोल्दै नेता देउवाले पछिल्लो समय देशका केही स्थानमा संबिधान असफल बनाउन षड्यन्त्र भइरहेको आरोप लगाउनु भयो । उहाले अहिलेको संविधान र संघीय संरचनाले सबैको भावना समेटेको दाबी पनि गर्नुभयो ।
नेपालमा अहिले संविधान बन्न नसके कहिल्यै संविधान नबन्ने खतरा बढ्ने उहाको भनाई छ । यस्तै सो कार्यक्रममा एमाले सचिव योगेश भट्टराइले हिंसात्मक आन्दोलनले निकास नदिने भन्दै आन्दोलनरत पक्षलाई बार्ताबाटै समाधान खोज्न आग्रह गर्नुभयो ।
यस्तै मधेशी जनअधिकार फोरम लोकतान्त्रिकका उपाध्यक्ष जितेन्द्र देबले असन्तुष्ट पक्षहरुका माग सम्बोधन गर्न ठूला दलहरु गम्भीर हुनुपर्ने बताउनु भयो ।
